KERTAS DLUWANG

Kemis Wage ....

bengine malem Jemuah Kliwon

wengi wening becik kanggo hening

deundang rubungan neng Kalibening

Jerene ….

Kalibening lagi madan ora bening

wong Kalibening madan puyeng

ora mudheng karo kersane ndara kanjeng

Kertas dluwang ….

pirang dasa warsa ingkang debuang

ora ana wong kang gelem nyawang

kaya kertas koran buntel kacang

Wis pirang-pirang puluh dasa warsa

kertas dluwang debenahi neng kana

neng senthong bareng puluhan pusaka

derumat kanti ridlo Allah sing Maha Esa

Siki mbareng wis terang ….

regane lewih larang

ketimbang duwit werna abang

mbanjur reka-reka gawe layang

Adhedhasar undhang-undhang

wong Kalibening ora wenang

nyimpen kertas dluwang

suwening suwe teyeng ilang

Wong Kalibening nlangsa

rumangsa bodho manggone neng desa

ora depercaya neng penguasa

sing suwene paling sedasa warsa

Duh Gusti Allah kula nyuwun ngapura

tiyang ndesa sing kurang tata trapsila

dereng saged damel suka panguwasa

tanpa gawe tuna wong desa ……