PASRAH ....

Duh Gusti, saestu kula mboten ngerti

duh Biyung, inyong dadi bingung,

Ramane, inyong kon kepriwe kiye

melas, nlangsa, gregeten, kebangeten

campur bawur memper sawur.

Duh Gusti, saestu kula mboten ngerti.

jaman seniki musibah deneng wonten teng pundi-pundi

mboten teng redi, mboten teng kali utawi teng gili

mboten teng desa mboten teng kota utawi segara

sedaya damel sengsara kula sedaya.

Gunung mbledhug, ana lindhu sedina ping pitu ...... likur,

Udane neng dhuwur, kotane blabur

Banjir bandhang nggawa barang pirang-pirang .... ilang

Blabur belet tetep ora gelem debumpet ..... marahi mumet.

Neng dalan kendaraan padha tabrakan

korban klekaran, getih blawahan, wong-wong rebutan ........ penjarahan

prahu kerem, penumpange kelem, nakodane mung merem

alas kobong, umah kobong, marahi atine ora bombong.

Inyong ora bakalan kelalen, sedina sewise bada

brug gantung Baturaden ya melu baen

taline pedhot, wong lanang wadon padha keplorot

Inalillahi wainaillaihi raji’un.

Duh Gusti Allah …

napa kula titah sing kathah salah

kathah prentah sing mboten klampah

kula mung pasrah ........

 Brug beton Baturaden kiye sing nggo nggati brug gantung sing pedhot pas dina bada