Dhong egin
sekolah neng es er,
inyong
dewulang bu guru
empat
sehat lima sempurna
angger
madhang aja kelalen
lawuh
tahu apa tempe
Dhong
latihan dadi pandhu
inyong
deajari nembang karo ngibing
dorong
putar tarik .. dorong putar tarik ..
saya
sudah tahu kedele jadi tahu
kaya
kuwe kon karo nggeolna bokong
Dhong
dadi pemuda pemimpin pesen ….
“Hei
pemuda .. harapan bangsa ….
jangan
kamu bermental tempe ....
esuk kedhele
sore dadi beda rupa lan rasa ….”
Dhong
madan dhewasa maning
inyong
krungu Bung Karno pidato neng radio
“Negara
kita negara gemah ripah loh jinawi ….
subur
kang sarwa tinandur …
murah
kang kudu tinuku ….”
Siki
inyong dadi tambah dhong
jebule kedhele
dadi panganan paling lezat
kanggone
rakyat gutul para pejabat
sekang
mendhoan gutul susu sari dhele
ora
esuk ora sore rasane nikmat neng ilat
Siki
inyong tambah ora dhong
jebulane
kedhele anu kulakan sekang manca negara
tukune ora
gampang lan regane ya cukup larang
merga
regane wis detumpang-tumpang
kit
sekang kuli, bupati gutul menteri
Dhong
jamane bapa kaki urung mati
ngerti pranatan
mangsa petungan wong kuna
nadyan
butuh tapi duwe rasa pekewuh
nandur kedhele
mesthi dadi
merga wani
nolak kersane pak mantri tani
sing butuh
uang komisi tuku kedhele luar negeri
Inyong
dadi lewih dhong ..
jebule akeh
pejabat ati dhon .. dhong
jabane alus
jeroane rakus kaya wedhus
senenge
nedhak pekarangan tangga ….
Tidak ada komentar:
Posting Komentar